Total:
0 ₸
Checkout
(0) Reviews
ISBN: 978-601-382-176-4
Category:Philology, Kazakh language and literature, Russian language and literature
Authors: Қаусылхан Қасымханұлы Сапарбаева Нұржан Балтажанқызы
Price
13 000 ₸
Cover:
Soft
Hard
E-book
Бұл монографиялық зерттеуде Қытайдағы қазақтардың сан қырлы әдеби-мәдени мұрасы тереңінен талданып, рухани дүниесінің байлығы жан-жақты зерделенеді. Мұнда қазақ қауымының ақпараттық және баспасөз кеңістігі, кино өнеріндегі ұлттық бейне, әдебиет тарихының даму арналары, сондай-ақ қаламгерлердің шығармашылық ізденістері мен бағыттары жүйелі түрде қарастырылып, ғылыми тұрғыдан талданады.
Еңбекте қазақ тіліндегі мерзімді басылымдардың қалыптасуы мен дамуы, радио мен телевизиялық хабарлардағы ана тілінің қолданысы, кино мен әдебиетте бейнеленген ұлттық болмыс кеңінен суреттеледі. Сонымен бірге Қытайдағы қазақ әдебиетінің тарихи кезеңдері, қытай тілінде жазылған шығармалар мен Қазақстан әдебиетінің қытай әдебиетіне ықпалы сараланып, әдеби дәстүр мен жаңашылдықтың сабақтастығы айқындалды. Қаламгерлердің проза мен поэзиядағы, айтыс пен сын саласындағы, сондай-ақ аудармадағы еңбектері жүйеленіп, олардың ұлттық мәдениеттегі рөлі тереңінен ашылды.
Монографияда қытай тілінде шығармашылықпен айналысатын қазақ жазушыларының туындыларына да назар аударылып, өкілдік шығармаларына әдеби талдау жасалады. Аударма мәселелері мен шығармалардың қабылдану ерекшеліктері қарастырылып, екі тілдік кеңістіктегі әдеби ықпалдастықтың қыр-сыры ашылады.
Бұл зерттеу еңбегі Қытай қазақтарының әдеби мұрасын кешенді тұрғыда бағалап, олардың ұлттық мәдениетке қосқан өлшеусіз үлесін айқындайды. Монография әдебиеттанушыларға, мәдениет зерттеушілеріне, шығыстанушыларға сондай-ақ қазақ-қытай әдеби байланысына қызығушылық танытатын барша оқырман қауымға арналған.
Copyrights © 2026 Daryn Press. All rights reserved.
