Бауыржан Абылқасымұлы Жандарбек

Бауыржан Абылқасымұлы Жандарбек– 1974 жылы Қызылорда облысының Жаңақорған ауданындағы «Келінтөбе» совхозының № 192 орта мектебін тәмамдағаннан кейін өмір жолын заң саласына арнады: заң ғылымдарының докторы, ғылыми басылымдардың және азаматтық құқығы, азаматтық іс жүргізу құқығы, отбасы құқығы және мұрагерлік құқық салаларындағы ғылыми мақалалардың авторы.

Заң саласында практикалық және теоретикалық тәжірибесі бай.

150–н аса ғылыми еңбектердің авторы, оның ішінде 4 оқу құралы және 3 монографиясы, 5 оқулығы жарық көріп, ЖОО-ң заң және халықаралық қатынастар факультеттерінің оқу процестерінде қолданылуда. Бұл құқық қорғау жүйесінің қызметкерлері, жас ғалымдар, студенттер үшін үлгі-мысал болып табылады.

Шет елдерде 20-н астам (Чехияда, Болгарияда, Поляк Халық Республикасында, Герман Федеративтік Республикасында, Латвия Республикасында, Ресей Федерациясында, Жапонияда және Тәжікістан Республикасында) ғылыми еңбегі жарық көрді.

Заң саласының азаматтық құқық, азаматтық процесс құқығы, отбасы құқығы, мұрагерлік құқық бағыттарының маманы.