Қабекенов Ғабит

Қабекенов Ғабит Уапұлы - 19.04.1976 жылы Атырау қаласында дүниеге келген.  1983-1993 жылдар аралығында Атырау қаласы №4 Ю.А. Гагарин атындағы орта мектепте, кейін Атырау облыстық ұлттық гимназиясының гуманитарлық бағытында білім алды.1997 жылы Х.Досмұхамедов атындағы Атырау мемлекеттік университетін «тарих пәнінің оқытушысы» мамандығы бойынша үздік бітірген. 1997 жылы Атырау қаласында №13 орта мектептің мұғалімі болған. 1997-2000 жылдарда Атырау университеті аспирантурасының күндізгі бөлімінде оқыды. 2000-2007 жылдар аралығында Х. Досмұхамедов атындағы Атырау мемлекеттік университеті, жалпы және халықтық педагогика кафедрасының оқытушысы, аға оқытушысы қызметін атқарған.  2006 жылы педагогика ғылымдарының докторы, профессор Қ.Б. Сейталиевтің ғылыми жетекшілігімен «Н.Манаевтың қоғамдық-ағартушылық қызметі мен еңбектеріндегі тәлім-тәрбиелік идеялары» тақырыбында кандидаттық диссертация қорғады. 2007-2009 жылдар аралығында Абай атындағы Қазақ Ұлттық педагогикалық университеті психология-педагогика факультетінің мектепке дейінгі және бастауыш білім беру педагогикасы кафедрасында  аға оқытушы, кейін осы факультеттің деканының тәрбие ісі жөніндегі орынбасары, 2009-2010 оқу жылдар аралығында педагогикалық мамандықтар кафедрасында қызмет етті. 2009-2011 жылдары педагогика және психология мамандығы бойынша докторантурада оқыды. 2010-2011 жылдар аралығында білім беру жүйесі кадрлар біліктілігін арттыру институтының «Тұлғаны әлеуметтендіру» кафедрасында доцент міндетін атқарды. 2011-2012 жылдары Абай атындағы Қазақ Ұлттық педагогикалық университеті психологиялық-педагогикалық мамандықтар кафедрасында доцент міндетін атқарушы қызметінде болды. 2011 жылы «Қазақстанда ересектер білімінің қалыптасуы мен дамуы (1920-2007 ж.ж)» тақырыбында PhD докторлық диссертациясын қорғады. 2012- 2016жылдар аралығында Ш.Есенов атындағы Каспий мемлекеттік  технологиялар және инжиниринг  университеті  «Педагогика және психология» кафедрасының доценті қызметін атқарды. 2018-2019 Президент жанындағы мемлекеттік басқару академиясы Атырау қаласы филиалының профессоры. 2016-2020 жылдар аралығында Атырау облыстық Әдістемелік орталық директоры. 2022 жылдардан  бастап жауапкершілігі шектеулі серіктесігінде еңбек қатынастар маманы болып қызмет атқаруда. 2011ж. Түркия, Гази университетінде (Анкара  каласы) 2015 Германияның Дюссельдорф қаласындағы «Interkulturelle» Халықаралық біліктілікті арттыру және ғылыми ақпараттар орталығында,  2018 ж. Германия, Венгрия,  2016 ж.Сингапур, 2018 ж.  Греция  елдерінде  ғылыми іс-тәжірибеден өтті.

Атырау облысы бойын шығарылған «Өлкетану» оқулығының авторларының бірі. 150-ға жуық  ғылыми және оқу-әдістемелік еңбектердің, 3 монографияның, 1 оқулықтың, 10-ға жуық оқу құралы мен оқу-әдістемелік оқу құралдарының, 3 авторлық куәліктің авторы. 2 мақаласы импакт-факторлы журналдарда жарияланды.  2010 жылы ғылымдағы ізденісі мен табысты еңбегінің нәтижесінде «Жас талантты ғалымдардың мемлекеттік» стипендиясының игері атанды.

Маңғыстау өңірінің ғылыми-педагогикалық  бағыттағы қоғамдық жұмыстарына белсене атсалысып жүр. Маңғыстау облысы бойынша «Бастауыш білім беру мұғалімдерінің тұжырымдасын» (2015ж.) дайындаушы авторлардың бірі. «Қызықты психология» журналының редакция алқасының мүшесі.

«Жоғары оқу орнының  үздік  оқытушысы - 2014»  мемлекеттік грантының иегері.

Педагог-мамандарды дайындау мен қоғамдық жұмыстарды атқарудағы қажырлы еңбегі үшін 2013 жылы «ЖОО үздік әдіскері» конкурсының ІІ-дәрежелі дипломымен, Ұлттық тестілеу орталығының директоры Қ.Әбдиевтің Алғыс хатымен(2013 ж.),  «Нұр Отан» партиясының Маңғыстау облыстық филиалы төрағасы бірінші орынбасарының Алғыс хатымен(2014 ж.) 2017 ж. Қазақстан Республикасы Білім және ғылым министрлігінің «Құрмет грамотасы»,  2018 ж. «Алғыс хат» 2018 ж. Атырау облысының әкімі орынбасарының «Алғыс хаты» марапатталды. 2016 жылығы Маңғыстау облысы бойынша «Педагогикалық оқудың» жеңімпазы (1 орын),  Республикалық «Педагогикалық оқудың» жеңімпазы (2 орын).