Нұрхалық Абдырақын — 1976 жылы мамырдың 25 дүниеге келген. Филология ғылымдарының PhD докторы, жазушы, аудармашы. Әлем халықтары жазушылар одағының мүшесі. «Иірім» атты романы, «Аңсау», «Жан тыныштығы» атты әңгімелер жинақтары, «Елді  ұстап тұратын төрт топ» атты эссе мен ой толғамдар жинағы жарық көрді. «Қытай мифтері», Ваң Бонанның «Даналықтың дәйегі» Сун Йисюэның «Қытай мәдениетіне саяхат», Уаң Мэңның «Күлкі мен жел (роман)». Шен Шисидың «Қасқырдың қаншық патшасы (роман)» қатарлы кітаптарды қазақ тілінде сөйлетті. Пайғамбарымыз(с.а.у)ның 43 баспа табақтан тұратын хикметті өмірін қытай тіліне аударды. Әл-Фараби атындағы қазақ ұлттық университетінің баспа үйінен «қытай-қазақ тіліндегі бастауыш-баяндауыштық сөйлемді салғастыра зерттеу» атты монографиясы, «Қазіргі қытай тілінің грамматикасы», «Жаңа заман қытай әдебиеті», «Көне қытай әдебиеті», «Қытайша-қазақша фразеологиялық сөздік», «Қазақ және әлем тілдері мақал-мәтелдері» қатарлы оқулықтар мен сөздіктердің авторы. 

Әңгімелерінде руханитқа терең бойлап өз ұлтының үзілген тамырын іздеумен келеді. Оның «Абылай ханның пірі», «Иассауй кесенесінің салыну сыры», «Түйенің шудасындағы Құран», «Зауал», «Жан тыныштығы», «Мимрт», «Қала», «Злмауыр», «Ит тірлік» атты әңгімелері оқырманын бей-жай қалдырмады. Бүгінгі таңда публистикалық, ғылми мақалалары мен әңгімелері, афаризмдері, әдеби көркем аудармалары мерзімді баспа сөзде көптеп жарық көріп келеді.