Алтаев Жақыпбек

Жақыпбек Алтаев – философия ғылымдарының докторы, профессор, Қазақ ұлттық университеті жанындағы Әл-Фараби орталығының ғылыми кеңесшісі, қазақ философиясының тарихы, фарабитану салалары бойынша елімізге белгілі ғалымдардың бірі. Оның жетекшілігімен фарабитанудың өзекті мәселелері, қазақ философиясының тарихы, қазақ халқының рухани мәдениетін зерделеу тұрғысындағы іргелі зерттеулер жүргізіп келеді.                                                                                                                                          Профессор Жақыпбек Алтаев қазақ ойшылдары мұраларының әлемге таныстыру ісіне де зор үлес қосып жүрген танымал ғалым. 2010 жылы ЮНЕСКО-ның штаб-пәтерінде (Франция, Париж) «Әл-Фараби және Еуропалық Ренессанс» тақырыбында ұйымдастырылған халықаралық дөңгелек үстелде негізгі баяндаманы жасады. 2012 жылы АҚШ-тың Огайо университетінде «Класикалық ислам философиясы», «Әл-Фарабидің философиялық мұралары», «Қазақ философиясының тарихы» тақырыптарында дәрістер курсын оқыды. Ғалымның ғылыми монографиялары қазақ, орыс, ағылшын, болгар, харват тілдерінде жарық көрді.

Ғалымының 20-дан аса оқулық пен оқу құралдары және «Қазақ философиясы» (1994, 1996, 2017), «Қазақ халқының рухани мұралары» (1998), «Исламская философия: новый взгляд» (2011), «Әл-Фараби және заманауи Қазақстан философиясы» (2012), «Исламская философия» (2013), 2017 жылы 7 томдық шығармалар жинағы шықты, «Аль-Фараби великий мыслитель востока» (2018), т.б. монографиялары жарық көрген, 300-ден аса ғылыми мақалалары ғылыми басылымдарда жарияланған.