Сарсембаев Болат

Сарсембаев Болат Шәйменұлы 1961 жылдың 8 ақпанында Қарағанды облысы, Бұқар-жырау ауданының Ақжар ауылында дүниеге келген. 1983 жылы Алматы қаласындағы С.М. Киров атындағы Қазақ мемлекеттік Университетінің химия факультетін, ал 2003 жылы Е.А.Бөкетов атындағы Қарағанды мемлекеттік университетін «Құқықтану» мамандығы бойынша бітірген. Химия ғылымдарының кандидаты. 1984-1995 жылдары ҚР ҒА Органикалық синтез және көмір химиясы институтында инженер, аға инженер, кіші ғылыми қызметкер, ғылыми қызметкер болып жұмыс істеді. 1995-2000 жылдары Қарағанды Облыстық Ішкі Істер Бас басқармасының Шұғыл Криминалистикалық Басқармасында аға криминалист болып майор шенінде қызмет атқарды. 2010 жылдан 2022 жылға дейін Қазтұтынуодағы Қарағанды Университетінің Экономикалық және құқықтық зерттеулер институтында аға ғылыми қызметкер ал 2022 жылдан бастап Жалпы құқықтық және арнайы пәндер кафедрасының доценті. 170-ке жуық ғылыми еңбектердің авторы. Олардың ішінде Ғылым және Білім Министрлігі бекіткен 2 оқулық, 8 Авторлық куәлік, 1 патент және тағы да басқа көптеген жариялымдарды атап көрсетуге болады.