"Дарын" баспасымен бірге кітап әлеміне саяхаттаңыз!
Размер шрифта:
Цветовая схема:
Изображения:
"Дарын" баспасымен бірге кітап әлеміне саяхаттаңыз!
(0) оқырман пікірі
ISBN: -
Категория:Ветеринария
Авторлар: Казиев Жамбыл
«Практикалық терапия» курсы ветеринариялық жоғары оқу
орындарындағы болашақ ветеринар дәрігерді маман ретінде қалыптастыратын
негізгі бейіндік пәндердің бірі болып табылады.
Курстың негізгі міндеті – ішкі жұқпалы емес аурулар бойынша диагноз
қоюда және емдеу-алдын алу шараларын ұйымдастыруда өз мамандығын еркін
меңгерген, білікті, жауапты және бәсекеге қабілетті жоғары деңгейдегі
ветеринариялық маман дайындау.
Курстың мақсаты – студентті жануарлар ауруларын анықтау үшін
заманауи клиникалық-зертханалық және арнайы зерттеу әдістерін меңгеруге
үйрету, сондай-ақ жануарлар организмінің түріне, жынысына, жасына және
сыртқы орта факторларының әсеріне байланысты анатомо-физиологиялық
ерекшеліктерін бағалай білуге дағдыландыру.
Клиникалық диагностика және рентгенологиямен бірге оқытылатын ішкі
жұқпалы емес аурулар курсы анатомия, физиология, биохимия, патологиялық
физиология және микробиология пәндерінің деректеріне негізделеді. Сонымен
қатар ол клиникалық пәндермен — хирургия, акушерлік, эпизоотология,
патологиялық анатомия, фармакология және токсикологиямен тығыз
байланысты.
Ішкі жұқпалы емес аурулар барлық ауыл шаруашылық жануарларында,
құстарда, иттерде, бағалы терілі аңдарда және басқа да кәсіптік мақсатта
өсірілетін жануарларда кездеседі. Бұл аурулар мал шаруашылығына үлкен
экономикалық зиян келтіреді, сондықтан олардың алдын алу мен емдеу
практикалық ветеринарияның маңызды міндеттерінің бірі болып табылады.
Бүкіл курс үш бөлімге бөлінеді: жалпы диагностика; ішкі жұқпалы емес
аурулардың жалпы профилактикасы мен терапиясы; сондай-ақ жекелеген
ағзалар мен жүйелер ауруларының жеке терапиясы, оның ішінде азықтық
улануларды қоса алғанда.
