"Дарын" баспасымен бірге кітап әлеміне саяхаттаңыз!
"Дарын" баспасымен бірге кітап әлеміне саяхаттаңыз!
Оқу құралында семантиканың когнитивті ұстанымдары, шығу негіздері мен түрлері, тілдің лексикалық жүйесіндегі алатын орны, тілдік танымдық табиғаты, басты ерекшеліктері сараланып, оның семантикалық өріс теориясының заңдылықтарына негізделетіні зерделенеді. Семантиканың ішкі мағыналық құрылымы, уәжділік, уәжділік дәрежелері, семантикалық өрісі зерттеудің негізгі нысаны. Ұлттық дүниетаным ерекшелігі оның лексикалық мән-мазмұнынан көрініс табады. Семантиканың да жасалу жолдары түрлі тәсіл арқылы жүзеге асады. Сөздің лексикалық мағынасы, тура, номинативті мағыналарымен бірге, ауыс, келтірінді, грамматикалық мағынасы т.б. бары белгілі. Бұл мағыналар бір-бірімен астасып, ұштасып жатады. Атаулардың мағыналарының қалыптасуындағы образды ойлау, метафора, метонимия, мағынаның тараюы, кеңеюі, семантикалық өріс сияқты т.б. тілдік заңдылықтардың ауыспалы мағынасы, белгілі қасиеттеріне қарай туынды сөздерді жасаудағы қызмет мәселелері назарға ұсынылады. Зерттеу нәтижесінде түйінделген ғылыми тұжырымдар мен бағыт-бағдарлар PhD докторанттарына мен магистранттарына, түркітанушылар мен жоғары оқу орындарының оқытушылары және тілші ғалымдарға арналады.
